ليلى أحمد زاهر: هشام جمال مصدر أمان بالنسبالي

تحدثت الفنانة ليلى أحمد زاهر، لأول عن علاقتها بخطيبها الفنان هشام جمال، خلال لقائها في برنامج صاحبة السعادة.

وقالت ليلى أحمد زاهر: لقيت هشام سايب كل حاجة وراه، وعايز يعمل الكليب هدية علشاني، وكان مهتم يطلعني بأحسن صورة، وبدأت أشوف اهتمامه واضح ناحيتي، وإنه مركز معايا وواخد باله مني جدا.

وتابعت: محستش بربع مشكلة وهو حل كل حاجة، ولولاه ولولا بابا الكليب ده مكانش إتعمل.

وأضافت: وهشام عمل كل حاجة واتشقلب علشان الكليب يطلع تحفة، فأكيد ده لفت نظري وحرك عندي حاجة.

أوضحت ليلى زاهر أن هشام جمال يتشابه مع والدها، النجم أحمد زاهر، في جانب مهم قائلة: "أنا أهم حاجة عندي أكون مطمنة وأعيش حياة بسيطة وهادية، وبابا بالنسبالي هو مصدر الأمان في حياتي، وفجأة لقيت هشام بقى مصدر أمان، ولو الشخص ده مش موجود ببقى مش مرتاحة ولا مطمنة".